قدمت الفنانة الراحلة مها أبو عوف، العديد من الادوار ، وبرعت فى تقديم دور الأم العانه الأرستقراطية بنت الاصول بشكل رائع خلال مشوارها الفنى، النجمة الراحلة أنجبت ابنها الوحيد بعد رحلة طويلة جدا مع الأطباء حول العالم، " حوادث اليوم " تستعرض خلال السطور التاليه رحالها مع الانجاب .
تزوجت الفنانة مها أبو عوف ثلاث مرات، المرة الأولى من الفنان الراحل عمر خورشيد، ثم تزوجت للمرة الثانية وأنجبت ابنها “شريف” وانفصلت عن والده، ثم تزوجت زوجها الحالي عمر المنزلاوي.
مها أبو عوف أنجبت مرة واحدة، وقبل الإنجاب حاولت فعل ذلك طيلة 15 عاما، وذلك خلال حوارها
ببرنامج “صاحبة السعادة”، قائلة: "15 سنة و أنا بلف على الدكاتره عشان أحاول أخلف ، لفيت العالم روحت إيطاليا و أمريكا و سويسرا و فرنسا و دول تانية كتير ، وكمان فكرت أعمل اطفال انابيب بس للأسف حتى دي منفعتش و الدكاترة في الآخر نصحوني أني انسى موضوع الحمل خالص، فكرت أتبنى طفل مع أني كان نفسي في حاجة مني حته مني قالولي في أمريكا هنشيل لك الرحم عشان ميحصلش حمل كاذب و ده فعلآ مرض حقيقي و مش سهل و مع ذلك رفضت و بعدها رجعت على مصر و سلمت أمري لله و قولت لنفسي خلاص ده قدر ربنا و مكتوب و ربنا مش كاتبلي أني أبقى أم و أخلف.
لحد ما يوم حسيت بمغص جامد أوي و تعبت بس ساعتها كبرت دماغي مهتمتش، ولما لقيت الوجع زاد روحت المستشفى و بعد ما الدكاتره كشفو عليا لقيتهم في حالة ذهول و علامات التعجب على وشهم و طلبو مني تحاليل أنا كل اللي جه في دماغي ساعتها انهم لقو حاجة وحشه لقدر الله بس بعد شوية لقيت الدكتور جاي بيقولي مبروك أنتي حامل .
واستطردت الفنانه الراحلة قصتها مع الانجاب قائلة " بعدها أنا مصدقتش نفسي من الفرحه و مكنتش مصدقه وداني، لقيت الدكتور بيكررها لي، أيوه زي ما سمعتي أنتي حامل، جاتلي حالة فرح هستيري ولقيت الدكتور بيقولي جمله عمري ما هنساها أبدآ ، قالي "أنتي علمتيني مقولش لواحدة أنها مش هتخلف و فعلآ إذا اراد الله شيء قال له كن فيكون" .
