«منها لله مراته، محمد ابنى كان حنين، لكن مراته هى اللى خلته جبروت على أنا وأخته، وفكرت معاه فى قتل أخته بالحرق، حسبى الله ونعم الوكيل، وبشكر القاضى المحترم ابن الناس اللى استجاب لطلبى ورد لى جزء كبييييير جدا من حقى، خلانى حسيت فعلا إن الدنيا لسه بخير».. جاءت هذه الكلمات على لسان الأم المكلومة، التى قتل ابنها شقيقته حرقا بسب الخلاف على الميراث، بعدما اكتشف أن والده قام بتسجيل شقة لها خوفا من شقيقها وزوجته.
وقامت «حوادث اليوم» بإجراء حوار مصور مع الأم التى فقدت ابنتها الصغرى، على يد ابنها الكبير، وأذاعت الحوار فى صورة بث مباشر نعرضه خلال السطور التالية.
وقالت الحاجة وداد: "إحنا كنا فقرا، وبدأنا من تحت الصفر، واتسلفنا وبنينا البيت، وجوزى كتب لبنتى الشقة وابنى كان كويس لحد متجوز، بنتى الله يرحمها أصغر بكتير من أخوها، ومكنتش تعرف حاجة عن الورث اللى أبوها كتبه ليها".
وقالت الأم: "محمد كداب فى كل اللى قاله، إحنا جوزناه 3 مرات، وأبوه كان عامل باليومية، يعنى على باب الله، وقالت إن مراته هى السبب واللى خلته يقتل أخته".
وعن يوم الواقعة قالت الأم بدموعها الغزيرة التى تسابقت مع كلماتها : "بنتى الله يرحمها كانت نازلة رايحة الشغل الصبح، واتفاجئت إن باب البيت مقفول، واتفاجئت بأخوها بيدلق عليها البنزين، وحاولت تهرب منه لكن معرفتش، وهو ولع فيها بسرعة، وكسر عليا باب الشقة، وولع فى أوضة نومى، وضربنى، ومكنتش أعرف إنه ولع فى أخته".
