قصة ملعوب الحن.. مع ابن الست سنوات- نهيق حمير واصوات قطط وكلاب

جاءت سيدة مسرعة إلى بيت الشيخ حامد
- الحقني يا شيخ : أبني .. أبني
- ماذا حدث لأبنك
- مش عارفة
- مالك يا ست .. فيه أيه
- طول الليل يصدر أصوات غريبة ..
أصوات وحوش ..
نهيق حمير
أصوات قطط وكلاب ..
وهات يا ضرب في أخواته
وعلى الحال ده لحد الصباح
قولنا شوية شقاوة ويروحوا لحالهم
لكن الموضوع تكرر في اليوم التالي
قلنا دلع ورخامة ..
أبوه عطاه علقة موت ..
لكن مفيش فايدة ..
واحدة بنت حلال دلتني عليك
وقالت الشفا عندك
- يا ست الشفا عند الله ..
أنا دخلي أيه في الموضوع
- بتقول أن كان في حالة زي كده
وأنت عالجتها ..
- يا ست أنا مش بعالج ولا ليا في مثل هذه المواضيع ..
- يا شيخ أنت بتعمل خير وليك الأجر عند ربنا ..
الواد ورانا النجوم في عز الظهر ..
تخيل يا شيخ : يدخل الحمام ويقول هاتولي مصحف
قلت له : يا أبني ما ينفعش المصحف في الحمام
يصرخ : عايز مصحف .. عايز مصحف
جبت له مصحف ، لقيته بقرأ بطريقة غريبة
وكلام مش مفهوم ..
جبت مصحف تاني ومشيت معاه
لقيته بقرأ الكلمة من الشمال إلى اليمين
والحروف صح ..
فضل على كده شوية ..
وخرج يخربش في الباب والحائط
ويصرخ بصوت يشبه زئير الأسد ..
تخيل يا شيخ أنك تعيش في الجو ده
وتشوف أبنك في الحال ده ..
- يا ست يمكن له طلبات وأنتم رفضتم تعملوها
راح عامل كده من باب أنه يضغط عليكم فتستجيبوا
- مش لهذه الدرجة يكون بارع في التمثيل
وحكاية القرآن في الحمام ..
لأ .. يا شيخ .. لأ ..
طيب في ورقتين فيهم آيات الرقية الشرعية ..
تقومي بقراءتها في حلة ماء ..
وترشي في غرفة أبنك
وترشي عليه رش بسيط
ويشرب منها ..
ولما تخلص كرري الموضوع تاني ..
وتضعي قليل من العطر في ملابسه الداخلية
ويتوضأ قبل النوم ..
ممكن يعافر ..
وممكن يقاوم ..
معلش أتحملوه شوية ..
- طيب يا شيخ ماتيجي أنت وتقرأ عليه ..
- يا ست أنا مش بروح عند حد
ولا بقرأ على حد ..
أنت ليه مش عايزة تصدقي ..
انا مش راقي ولا معالج ..
أعملي اللي قلت لك عليه والشفا من عند الله ..
ربنا يقدم اللي فيه الخير ..
بعد كام يوم جاءت إلى الشيخ وبصحبتها أبنها
- يا شيخ عملت ما أمرتني به ..
والولد نام زي الحمار هههههه
بجد نام زي القتيل ولا قطط بقى ولا كلاب
ولا وحوش وحمير ..
العلاج جاب نتيجة
ربنا يبارك في حضرتك ..
أفضل على الطريقة ده لحد أمتى ؟
- يومين ثلاثة وإن شاء الله مش حصله كده تاني ..
وسأل الولد هل تصلي ؟
- الحقيقة يا شيخ شوية وشوية .. مش منتظم
- لأ .. كده مينفعش ..
لازم نحافظ على الصلاة ..
وأخبارنا أيه مع القرآن ؟
- كل فين وفين ..
- خلي ليك عهد بالقرآن ولو كل يوم صفحة
المهم أنك تتعهد القرآن كل يوم
علشان ربنا يحفظك ..
- ماشي يا شيخ ..
- وعد ؟
- وعد يا شيخ ..