مرة اخري يثير محمد رمضان الجدل على مواقع التواصل الاجتماعي بسبب صور له من داخل طائرته الخاصة.حيث شارك محمد رمضان متابعيه على موقع "أنستقرام" بمجموعة صور له وهو يجلس في طائرته ويدخن سيجارة، وروى معها ذكرياته عن أول مرة يركب فيها طائرة.
واضاف رمضان معلقا على الصور: "أول مرة سافرت كان بتذكرة إيكونومي على طيارة ركاب كانت الميزة الجميلة في الطيارة الركاب إني بشوف ناس من بلاد مختلفة جوة طيارة واحدة قريبين من بعض والصدفة الأجمل إني مش عارف هلاقي مين قاعد جنبي".
وأضاف: "ودلوقت مع إني مش بسافر غير بطيارة خاصة، بس لو سألتوني حبيت إيه أكتر هقولكم الطيارة الخاصة عشان بعرف أشرب سجاير والمضيفة مش بتهتم بحد غيري".
شهد المنشور تفاعلاً وجدلاً بين متابعيه، ومنهم من اتهمه بالغرور واستفزاز الناس، وكتبت إحدى مستخدمي "فيسبوك": "مفيش داعي أبداً تستفز الناس اللي ممكن يكون حد بيقرا الكلام ده ومش معاه تمن تذكره القطار فتلاقي ردود مش كويسة وغيره كطبيعة النفس البشرية، ربنا قال "وأما بنعمة ربك فحدث" حدث دي في أعمال خير فإنك تفرح نفسك وعائلتك وأقاربك ومن حولك وتظهر عليك النعمة، بس تراعي مشاعر البشر".
حاز منشور رمضان على سخرية العديد من المتابعين، وعلّق أحدهم: "فعلاً إحساس صعب.. ربنا يكتبه علينا".
