سلام عليكم
انا متجوزه وقاعدة فى المنصورة و اختي من فتره كانت عايزه تيجي تقعد عندي فتره الامتحانات لانها هنا فى جامعة المنصورة و انا حامل و ف الشهور الأخيره و تعبانه جدا حرفيا بقوم م السرير بالعافيه و هي م النوع ال مش بتتحرك من مكانها ولا بتعمل حاجة حرفيا مش بتشيل المج ال شربت فيه و شخصيتها متعبه جدا و حاليا احنا مش احسن حاجه ماديا الفتره دي ...
وزوجي عنده مشاكل ف الشغل و اكيد طبعا هتكفل بيها طول الفتره ال عندي فيها و هي بتخرج و بتطلب حاجات و شخصيتها بجد متعبه جدا و فوق كل دا مينفعش اكبت حريه جوزي هو مبيكونش ع راحته طول الوقت و هو مش ملزم بيها ...
زوجي وشقيقتي .
و حسيت منه انه بيدايق و مش حابب كدا و هو مش بيفرض عليا حد من اهله اكيد اخته هتقول اشمعني اختها ولما قولتلها انه مش هينفع و اني تعبانه جدا و بالعافيه اصلا بقوم وانه الظروف متسمحش زعلت مني و قالت كلام زباله و اتكلمت بطريقه وحشه و اتقمصت و مش بتكلمني .....
و اكتشفت إمبارح ان ماما كمان مقموصه و زعلانه بس مقالتليش مع العلم انها عارفه كويس اوي انها متعبه و بتعاني منها اصلا و بتشتكيلي منها و عارفه كل حاجه وعارفه اني تعبانه و باخد علاج و حقنه غاليه طول فتره الحمل زعلت اوي انها اصلا مش مقدره و انها شايفه ان دي حاجة عاديه مش تقولها مينفعش عشان جوزها انا بجد مدايقه جدا و دمي محروق منهم ...
ازاي شايفين ان دا عادي كدا و زعلانين مني كنت مستنيه ع الاقل من امي تعقلها و تقولها مينفعش و تكون عذراني المفروض أعمل إيه عايزه رايكوا
