انا فتاة فى منتصف ال30 مخطوبة وهتجوز قريب
ليا أم من صغرى وهى بتفرق بينى وبين اختى الصغيرة ماديا وعاطفيا .. اتأذيت منها نفسيا كتير اوى وياما نمت ودموعى مغرقة مخدتى من التفرقة فى المعاملة .. اختى كبرت واتعودت أنها لازم تبقى احسن منى فى كل حاجة .. تاكل احسن منى .. تلبس احسن منى .. حتى فى الجهاز جابت احسن منى فى كل حاجة
كنت أنا وهى مخطوبين فى نفس السنة وبنجهز اجيب الملاية ب200ج هى تجيب ب700 و 800
مرتحتش نفسيا شوية الا لما سابت البيت واتجوزت( وقتها كنت فسخت خطوبتى) بعد ماستنزفت ماديا امى طبعا برضاها وعلى قلبها زى العسل
نفسيتي ارتاحت بعد زواج اختي
بس برضه ارتحت شوية ونفسيتى هديت لما سابت البيت وانشغلت ببيتها
دلوقت جيت اتخطبت .. لما لقيتنى بقول لماما ناقصنى كذا وكذا وعايزة اعمل باقى جهازى لانى وقفت تجهيز لما فشكلت
ودلوت عايز أكمل اللى باقيلى
اختى نكدت على ماما وقالت لها زى ماتديها تدينى
قالتلها عايزة احشى دروسى - تعالج اسنانها وعايزة اجيب طقم حلل
مع إن جوزها ماشاء الله مستور فى سنتين جواز
جاب لها ماتور خاص بيهم .. تكييف.. نيش
. غسالة اطباق.. ميكرويف.. كولدير مية بالكهربا وغيره وغيره .. ربنا يزيده بس هى ظروفها كويسة
حساب ماما في البنك
فضلت تنكد على ماما .. شوية زعيق وشوية تجر ناعم لحد ماقنعتها معرفش ازاى تجمد حسابها فى البنك عشان مكملش باقى حاجتى
قبلها كنت وخدة من ماما مبلغ اجيب حاجات وقولت لما اشوف هاجيب اى هابقى اطلب منها
دلوقت قالتلى مفيش غيره وصرفى نفسك به
طبعا هى خايفة منها
تعب نفسي
انا نفسيتى زفت لدرجة جسمى كله واجعنى ومش قادرة اتنفس من الهم والزعل والسبب أمى واختى منهم لله
اتصرف معاها ازاى
ياترى اقول لخطيبى ولا اعمل اى
