خطيبي مكبر د ماغة وسايب كل حاجة عليا

يا جماعة انا مخطوبة بقالي سنة ونص وفرحى قرب. الحقيقة انى بقيت احس ان انا الراجل مش هو فى العلاقة اللي بنا.
انا المطلوب منى اعمل كل حاجة وهو يروح الشغل ويرجع يفضل فى السرير لغاية مينام مع ان انا كمان بشتغل وبتأخر اكتر منه. ومبيجيش يشوفنى غير كل فين و فين.
المطلوب ان انا اللى اكلم العمال عشان العفش، لو بنركب نجف فى البيت والعمال موجودة ممكن يسبنى لوحدى وينزل.

خناقة علي سعر العفش

بالاضافةلذلك ولدتى تعبت الفترة اللي فاتت وملاقتوش فى حياتى. مش بس كده دا كمان اتخانق معايا على سعر العفش فى عز تعبها وانهيارى مع ان تمن العفش للشقة كلها اقل من ١٤٠ الف. وكل حاجة جبنها كان فيها خناق.
فاضل شهر على الفرح وهو مش بيعمل حاجة ولما بقول له بيتكلم بطريقة مش الطف حاجة ويقوم ناهى المكالمة.
انا دلوقتي حاسة انى مش اتخدعت فى الشخص اللى قدامى كل دا مابنش غير متأخر اوى.
مش عارفة مفروض اكمل ولا لا؟؟