بعدما ارسلت صورتي .. عملتله بلوك

محتارة ومش عارفه اعمل ايه بجد تعبت من كتر التفكير انا معجبة بواحد يعتبر المكان اللي هو ساكن قريب ، نفس البلد تقريبا ، وهو لا يعرفني .
والده كان بيدرسلي ف كنت اشوفه احيانا عندما يأتي لوالده عمري
حاولت الفت نظرة أو اكلمه وهو لا يعرفني، بالصدفة لقيت حسابه علي الفيس بوك ، ارسلت له طلب صداقه وبدأنا نتكلم كلام عادي جدا تعارف سألني اسمك ايه ساكنة فين ، ابتديت أسأله انا ايضا وندردش.
في مرة بنتكلم بيقولي في عندك حد بتحبيه أو حد مميز في حياتك قولتله لأ طب وانت قالي مش عارف لسه معرفتوش كويس ساعات نكون بنتكلم يقولي سبحان الله حاسس براحه كبيرة جداً من ناحيتك وكمان كذا مره سألني عن اسمي واسم عيلتي.
في مرة كنت نازلة الصيدلية وكنت بتكلم معاه وقلتلو رايحه الصيدلية عادي راح قالي لا ماتروحيش ابعتي اخوكي وفي نفس الوقت احيانا برضو بيقول أنا مثل اخوكي الكبير واتمنالك السعاده وتلاقي اللي يستاهلك أقوله وانت ربنا يرزقك باللي تصونك وتسعدك لاني مش عاوزة أظهر اني معجبه بيه .
طلب مني صورة شخصية عدة مرات وانا كنت يرفض وهو لم يصمم في طلبها إلا مرة واحدة أصر بشدة وزعل وقالي أنا مثل اخوكي وعمري ما أؤذيكي ، المهم وبعد إصرار طويل منه ارسلت له صورة في اقل من دقيقة ومسحتها ، أنا حاسه بتأنيب ضمير ومعترفة أنه خطأ ولا يجب ارسال صور .
بعدما ارسلت له الصورة بيومين كلمته قولتلو انت شايف كلامنا ده صح اصلا .. لا يجوز يكون في صداقه بين والد وبنت والمفروض احافظ على نفسي للشخص اللي هيكون من نصيبي ، قالي كلامك صح ومقدرش اقولك حاجه ، رديت عليه اني متاسفة هعمل بلوك قال تمام براحتك وخلي بالك من نفسك.
وهو كان ممكن هيبتدي يعجب بي ولا عندما ارسلت له الصورة فكر اني مش محترمه وممكن اعمل كده مع أي حد ، بجد مش عارفه وهل انا صح عندما عملت بلوك ولا كان ممكن اصبر يمكن يبدأ يتعلق بي ويعترفلي بمشاعره ولا انا مش في دماغه من الاول .