عايز أتجوز .. مش عايز أكسر خاطرها !!

زوجتي طيبة ومتدينة وبحبها بس ربنا اختبرها بتعب مزمن من بعد الولادة الأولي ويشهد الله أني ما قصرت معاها وصرفت كتير جداااا علي التعب والعلاج والفحوصات الدورية وبساعدها في البيت ومش محسسها بأى شيء وجايبلها أى جهاز ممكن يساعدها في البيت وطلبت منها أجيبلها شغالة بس هي مش موافقه.
بس أنا حقوقي الشرعية تعتبر شبه مختفية ودا تاعبني جدا بدون شرح ولا تفصيل بس أنا صبرت كتير جدا .. هي حاسة وبتطلب مني كل فترة أني أتجوز بس أنا مش عاوز أكسر خاطرها ولا أحسس ولادي أني بعدت عنهم
بس بعد سنين من المعاناه قابلت واحدة أرملة من شهور قليلة وأرتحنا لبعض وطلبت منها الجواز علي سنة الله ورسوله بس يكون سر وأني مش هخليها عاوزة أى حاجة و هعدل بقدر استطاعتي ومش هحسسها انها زوجة تانيه خالص بس هي شرطت اني لازم اعرف زوجتي الاولي.
أنا طبعا الموضوع دا حساس جدا بالنسبة لي حفاظا علي شعور زوجتي أم أولادي، أنا مش عاوز أعمل حاجة عيب ولا حرام وفي نفس الوقت مش عاوز أجرح شعور زوجتي.