شتمتها إديتني بـ«الكف» علي وشي

انا متجوز بقالي 3سنين بحب زوجتي جدا وهيا بتعشقني أسلوبها وطبعها عامل زي الملائكه مفيش شخص زيها.
المشكله أنها لما بتتعصب تفضل تقول اتقي شر الحليم إذا غضب بتبقي حاجه صعبه جدا ولا بيهمها حاجه ولا بتخاف من حاجه.
المهم الشيطان دخل بنا واكيد اخدنا عين بسبب حبنا الملفت لبعض وحصل بيني وبينها مشكلة وكان أول مرة يحصل مشكلة بينا وانا من غير ما احس شتمتها ردت الشتيمه قومت ضربتىها بالكف علي وشها قامت ردالي الكف .
طبعا اتجننت كتفتها وضربتىها حوالي عشر كفوف علي وشها لحد ما اغمي عليها انا حاسس اني كرامتي انداس عليها لما ردت الكف، حاجه كبيره اوي ونفس الوقت مش عارف انا فضلت اضرب فيها كل الضرب ده ازاي المهم دلوقتي هيا قافلة خالص مش قادرة تنسي اللي عملته فيها وانا قافل مش قادر انسي أنها ردت الكف لانها كدا حطت كرامتي تحت رجلها .. ومش عارف اعمل ايه افيدوني جزاكم الله خيرا