خطيبي «إيده سايبة»

خطيبي كان شايل معايا مبلغ معين من الجمعيات اللي عاملها عشان يقدر يجيب بيها عفش، خطيبي من النوع اللي لو شاف حد تعبان من اخواته أو حتي من عيال اخواته وعرف تلاقيه جري عليهم وياخد من الفلوس اللي شايلها معايا او اي شخص محتاج اي حاجه انا والله معنديش مانع مش معترضة بس اخواته دول بنات متجوزين بستغرب ما هي متجوزة ليه جوزها ميوديهاش للدكتور أو يودي بنتها للدكتور مع العلم أنه أصغر اخواته الولاد وعنده اخوات اكبر منه محدش بيعمل زي كده واتكلمت معاه قبل كده أن انت تساعدها وتبقي جمبها مفيش مشكله بس الفلوس هتاثر معانا جامد وهو مش حاسس بده شايف اني باصه لفلوس انا مش باصه لحاجه بس الفلوس ديه انا بحاول اركنها علي جمب خالص عشان نعرف نجيب بيها حاجه من ساعه ما شال الفلوس معايا وهو عمال يسحب منها وخايفه من الموضوع ده بعد الجواز أن الفلوس تأثر معانا لانه هو مسرف جدا، واخواته بيستغلوا فكره أنه مش بيرفضلهم طلب وكل ما اقول مليش دعوه بفلوسه ديه لما يطلب مني بضايق غصب عني لاني عارفه هو تعب في الفلوس ديه ازاي وهو لوحده محدش حتي من اخواته بيساعده في اي حاجه، يوم خطوبتنا محدش كان واقف جمبه كان هو اللي عامل كل حاجه انا عارفه أنه واجب عليه هو اللي يعمل مش اخواته بس هو وقتها زعل منهم أن محدش قاله عملت ايه او اي حاجه انا مش عارفه اتعامل مع الموضوع ده ازاي واتكلمت معاه كتير وكانت بتبقي اخرتها أن انا اللي غلطانه ...