ابن أمه طردني من البيت

انا متزوجة من ٨ شهور زوجي ابن حلال و طيب جدا و مش مخليني محتاجة حاجة و اهله ناس كويسين .مشكلته انه بيحب والدته جدا .احنا ساكنين في شقة الي قصاد شقة والدته و اخته هو لما يجي من الشغل لازم يدخل شقة امه الاول و لو جايب حاجات في ايده يقسمها مع والدته و لما اكلمه يزعق في وشي و يتعصب عليا و اوقات وقت الاكل يقلي هاتي الاكل و يلا نروح ناكل مع امي و انا التصرفات دي بتدايقني و هو ولا هموا .زوجي دلوقتي محوش مبلغ كده عاوز يديه لوالدته عشان تروح العمرة .. لما اتخانقت معاه و رفضت قال ليا انت مش محترمة و بتحبي تنكدي علينا و عاوزة تفرقي بيني و والدتي،انت ليكي شقة و حياتك مستقرة و مش ناقصك حاجة و كل طلباتك موجودة بلاش تدخلي في حاجات مش بتخصك و لما اطور النقاش انا قلتله انت ابن امك و انت مش بتعرف تعيش او تاخذ قرار غير لما هي توافق انا شكلي اتزوجت عيل ابن امه و انا لما قلت الكلمتين دول اكلت علقة من عنده و طردني من البيت و انا دلوقتي عند اهلي و لا بيسأل عليا ابدا .اعمل ايه.