أبو العيال عايش دور الخدامة

عندى تؤام ولد و بنت سنة و نصف متجوزة و بحب جوزى جدا بس هو مصمم عالطلاق و انه ياخد العيال منى هو كمان بيحبنى و عمره ما شتمنى ولا اتكلم معايا بطريقة مش وحشة و طول عمره من اول الجواز بيساعدنى فى البيت و الاكل حتى و هو راجع من الشغل تعبان طول اليوم حتى اوقات الحمل كان دايما شايلنى فى عينه بس اللى حصل انى كنت عازمة بنت عمتى و جوزها عالغداء في البيت عندى و اتكلمت معايا بطريقة وحشة و عن جوزى بطريقة وحشة علشان هو بيساعد فالبيت و كدة فانا اتغاظت جامد و روحت زعقت معاه و قولتله انت ازاى يعنى تعمل كدة و تقول قدامهم انك بتساعد فالبيت انت عاوز يعنى تقولهم ان انا مقصرة فى بيتى و تعيش انت دور الخدامة و هو ساعتها اتعصب عالاخر و سابنى و ساب البيت حوالى اسبوع و بعدها رجع و هاجرنى مبيتكلمش معايا خالص و بيقول ان هو كدة كدة قريب هيطلقنى بس هو لسة متردد يعنى عشان عندنا ولاد.